ஆண்கள் அழகை காக்க உதவும் அற்புதமான குறிப்புகள்

ஆண்மையோடு ஆண்களின் அழகும் கூட தற்போது பெண்களின் எதிர்பார்ப்பாக இருக்கிறது. அதனால் ஒவ்வொரு ஆணும் சருமத்தை ஆரோக்கியமாக சுத்தமாக பொலிவாக வைத்திருப்பது அவசியமாகிறது. சருமத்தை சுத்தமாக வைத்திருப்பதோடு வறட்சியில்லாமல் பொலிவு குறையாமல் பார்த்துகொள்வதும் முக்கியம். ஏனெனில் பெண்களை விட ஆண்களுக்குத்தான் சருமத்தில் அதிகப்படியான எண்ணெய் சுரப்பு இருக்கும். இதனால் கரும்புள்ளிகளும், பருக்களும் அதிகரிக்கும். பொதுவாக பெண்களுக்கான அழகு குறிப்புகளைத்தான் அநேக இடங்களில் கொடுக்கிறார்கள். இங்கு ஆண்கள் தங்கள் அழகை பாதுகாக்க நாங்கள் கொடுத்துள்ள குறிப்புகள் நிச்சயம் உங்கள் அழகை பாதுகாக்க உதவும். அப்படி என்ன செய்யலாம் தெரிந்துகொள்வோம்.

சரும சுத்தத்துக்கு பயன்படுத்தும் க்ளென்சிங்., டோனர், மாய்சுரைசர் போன்றவை பெண்களுக்கு மட்டும் அல்ல. ஆண்களுக்கும் தான். குறிப்பாக அதிகப்படியான தூசு, மாசுக்களுக்கு ஆளாகும் நீங்கள் தான் இதை தவறாமல் பயன்படுத்த வேண்டும். டெஸ்ட்டோஸ்டிரான் ஹார்மோன் சுரப்பு காரணத்தால் சருமத்தில் எண்ணெய்பசை சற்று கூடுதலாக இருக்கும்.அதனால் சருமத்தை சுத்தம் செய்வது அவசியமாகிறது.

Hair Care: பெண்களுக்கு மட்டுமா? ஆண்களுக்கும் தான் தவிர்க்காம படியுங்க..

தினமும் வெளியில் சென்று வந்ததும் தவறாமல் சருமத்தை சுத்தம் செய்ய டோனிங் செய்யுங்கள். இவை உங்கள் முகத்தில் பிளாக் ஹெட், வைட் ஹெட் வராமல் தடுக்கும். டோனிங் செய்ய அதிகம் மெனக்கெடத்தேவையில்லை. சாதாரண பன்னீர் போதுமானதாக இருக்கும்.

சருமத்துக்கு ஈரப்பதம் அளிப்பது அவசியம் என்பதால் உங்கள் சருமத்துக்கேற்ற ஈரப்பதம் தரும் மாய்சுரைசர் வகைகளை பயன்படுத்துவது அவசியம். இவை உங்கள் சருமத்தை ஈரப்பதமாக வைத்திருக்க உதவும்.

சருமத்தை மிளர செய்வதற்கு சன்ஸ்க்ரீன் பயன்பாடு அல்ல. வெயிலிலிருந்து வரும் புற ஊதாக்கதிர்கள் சருமத்தின் நிறத்தையும் அதன் மிருதுவான தன்மையையும் கெடுக்கும். வெயிலிலிருந்து உங்கள் சருமத்தை காப்பாற்ற சன்ஸ்க்ரீன் பயன்படுத்துவது அவசியம். சன்ஸ்க்ரீன் வாங்கும் போது அதன் SPF அளவு 30 க்கு கீழ் இருக்கும்படி பார்த்து வாங்குங்கள் இவை வெயிலின் தாக்கத்தில் இருந்து உங்கள் சருமத்தை பாதுகாக்கும். தினமும் வெளியில் செல்வதற்கு 15 நிமிடங்களுக்கு முன்பு சன்ஸ்க்ரீன் பயன்படுத்த வேண்டும். அப்போதுதான் சருமம் வெயிலின் தாக்கத்தை பாதுகாப்புடன் எதிர்கொள்ள தயாராக இருக்கும்.

வாரத்துக்கு ஒருமுறை முகத்தில் இருக்கும் இறந்த செல்களை நீக்க முயற்சி செய்யுங்கள். முகத்தில் இருக்கும் இறந்த செல்கள் வெளியேறாமல் இருந்தால் இவை முகத்திலேயே தங்கி சருமத்துவாரங்களில் அடைப்பை உண்டாக்கும். இதனால் சருமத்தில் வறட்சி, வெடிப்பு பிரச்சனை உருவாகும்.

உங்கள் சருமத்துக்கு தகுந்த க்ரீம் அல்லது ஜெல் அடிப்படையிலான ஸ்க்ரப் பயன்படுத்துங்கள். இறந்த செல்கள் அவ்வபோது நீங்கினால் முகம் மென்மையாக இருக்கும். கூடுதலாக தாடையில் வளரும் முடியை ஷேவிங் செய்யும் போதும் எரிச்சல் இல்லாமல் இருக்கும்.வாரம் ஒரு முறை தவறாமல் முகத்துக்கு ஸ்க்ரப் செய்துகொள்வது நல்லது.

பெண்களை போன்றே ஆண்களுக்கும் உதடுகள் கவர்ச்சியாக இருந்தால் கூடுதல் அழகு கிடைக்கும். பொதுவாகவே உதட்டின் நிறம் மாறுவது உண்டு. அதிலும் சிகரெட், பாக்கு போன்ற பழக்கங்களுக்கு அடிமையானவர்களுக்கு உதட்டில் கருமை படரும். நாளடைவில் உதட்டில் கோடுகளும் வெடிப்பும் தோன்றும்.

கடினமாக மாறும். உரிய பராமரிப்பின் மூலம் உதட்டை மென்மையாக வைக்கலாம். உதட்டுக்கு வாஸ்லின் தடவி வருவதும், லிப் பாம் பயன்படுத்துவதும் உதட்டை மென்மையாக வைத்திருக்க உதவும்.

பெண்களை போன்று ஆண்களுக்கும் கண்களை சுற்றி கருவளையம் அல்லது சுருக்கமான கோடுகள் விழக்கூடும். எல்லா ஆண்களிடமும் இதை பார்க்கமுடியும். சிலருக்கு கண்களுக்கு கீழ் இரப்பை வீக்கமும் உண்டாகும். தினமும் காலையிலும் இரவு தூங்கும் போதும் கண்களை சுற்றி இலேசாக மசாஜ் செய்வதும் கண்களையும் பளிச்சென்று வைக்கும். ஆண்கள் பயன்படுத்துவதற்கென்றே பிரத்யேகமாக கடைகளில் கிடைக்கும் க்ரீம் வகையறாக்களை பயன்படுத்த வேண்டும்.

சருமத்துக்கு புளிச்ச தயிரா.. ஆமாங்க.. இப்படி யூஸ் பண்ணா.. ஃபேஸ் அப்படி பளபளக்குமாம்...

தினசரி வாரம் என்று முகபராமரிப்புக்கு தனி நேரம் ஒதுக்க வேண்டும் இல்லையெனில் முகத்தில் மென்மை மறைந்து கடினமாகி விடும்.இந்த கடினத்தை வெளிப்புறத்தில் இருந்து பார்க்கும் போதே தனியாக தெரியும். அதோடு முகத்தில் பருக்களும், கரும்புள்ளிகளும் அதிகரிக்கும். ஆனால் எளிய பராமரிப்பு முறையில் இவை எதுவுமே இல்லாமல் செய்துவிடமுடியும். இனி ஆண்களும் அழகை பராமரிப்பதில் கவனம் செலுத்துங்கள்.

Google+ Linkedin Youtube