இரவோடு இரவாக அறிமுகமான 3 புதிய நோக்கியா பட்ஜெட் போன்கள்

நோக்கியா பிராண்டட் மொபைல்களை தயாரிக்கும் உரிமம் பெற்றுள்ள எச்எம்டி குளோபல் நிறுவனம் சத்தம் போடாமல் மூன்று புதிய நோக்கியா ஸ்மார்ட்போன்களை அறிமுகம் செய்துள்ளது. அவைகள் நோக்கியா சி 5 எண்டி, நோக்கியா சி 2 தவா மற்றும் நோக்கியா சி 2 டென்னன் என்கிற மாடல் பெயர்களின் கீழ் அறிமுகமாகி உள்ளன.

நோக்கியா C5 Endi ஸ்மார்ட்போனின் 3GB RAM + 64GB மாடலானது தோராயமாக ரூ.12,800 என்றும், நோக்கியா C2 Tennen ஸ்மார்ட்போனின் 2GB RAM + 32GB மாடலானது தோராயமாக ரூ.5,300 என்றும் மற்றும் நோக்கியா C2 Tava ஸ்மார்ட்போன் ஆனது தோராயமாக ரூ.8,300 என்றும் விலை நிர்ணயம் செய்யப்பட்டுள்ளது. அறிமுகமான மூன்று ஸ்மார்ட்போன்களிலும் அமெரிக்க கேரியர் கிரிக்கெட் வயர்லெஸ் பிரத்தியேகமாக கிடைக்கின்றன.

நோக்கியா சி 5 எண்டி ஸ்மார்ட்போன் ஆனது டீப் மிட்நைட் ப்ளூ நிறத்திலும், நோக்கியா சி 2 தவா ஸ்மார்ட்போன் ஆனது டெம்பர்டு ப்ளூ வண்ண விருப்பதிலும், ஆநோக்கியா சி 2 டென்னன் ஸ்மார்ட்போன் ஆனது ஸ்டீல் வண்ண விருப்பதிலும் வெளியாகியுள்ளது. மேலும் இந்த அனைத்து ஸ்மார்ட்போன்களும் பிரத்யேக Google அசிஸ்டென்ட் பட்டனுடன் வருகின்றன.

நோக்கியா சி 5 எண்டி ஸ்மார்ட்போனின் அம்சங்கள்:

இது 6.5 இன்ச் அளவிலான எச்டி+ டிஸ்ப்ளேவை கொண்டுள்ளது, இது 1440 x 720 பிக்சல்கள் ஸ்க்ரீன் தெளிவுத்திறன் மற்றும் வாட்டர் டிராப் நாட்ச் வடிவமைப்பு மற்றும் 19: 9 அளவிலான திரை விகிதத்தை கொண்டுள்ளது. இந்த ஸ்மார்ட்போனில் மீடியாடெக் ஹீலியோ பி 22 ப்ராசஸர் மற்றும் 3 ஜிபி ரேம் + 32 ஜிபி அளவிலான உள் சேமிப்பு உள்ளது.

இது 13 மெகாபிக்சல் அளவிலான ப்ரைமரி லென்ஸ், 5 மெகாபிக்சல் அல்ட்ரா-வைட் சென்சார் மற்றும் 2 மெகாபிக்சல் டெப்த் சென்சார் என்கிற கலவையிலான ட்ரிபிள் கேமரா அமைப்பு உள்ளது. முன்பக்கத்தை பொறுத்தவரை, 8 மெகாபிக்சல் செல்பீ கேமரா உள்ளது. இந்த ஸ்மார்ட்போன் 4,000 எம்ஏஎச் பேட்டரியுடன் வருகிறது, இது ஆண்ட்ராய்டு 10 கொண்டு இயங்குகிறது. இணைப்பு விருப்பங்களை பொறுத்தவரை, வைஃபை 802.11 பி / ஜி / என், எல்டிஇ, ப்ளூடூத் 5.0, ஜிபிஎஸ், ஏஜிபிஎஸ், யூ.எஸ்.பி டைப்-சி போர்ட் மற்றும் 3.5 மிமீ ஆடியோ ஜாக் ஆகியவற்றை ஆதரிக்கிறது.

நோக்கியா சி 2 தவா மற்றும் நோக்கியா சி 2 டென்னன் ஸ்மார்ட்போனின் அம்சங்கள்:

இந்த இரண்டு ஸ்மார்ட்போன்களும் ஒரே மாதிரியான அம்சங்களுடன் வருகின்றன. நோக்கியா சி 2 தவா மற்றும் சி 2 டென்னன் ஸ்மார்ட்போன் ஆனது 5.71 இன்ச் அளவிலான எச்டி+ டிஸ்ப்ளேவை (1280 x 720 பிக்ச்கள் மற்றும் 18: 9 விகித விகிதம்) கொண்டுள்ளது.

இந்த ஸ்மார்ட்போன்கள் மீடியாடெக் ஹீலியோ ஏ 22 ப்ராசஸர் மற்றும் 2 ஜிபி ரேம் மூலம் இயக்கப்படுகின்றன. நோக்கியா சி 2 தவா மற்றும் சி 2 டென்னன் ஸ்மார்ட்போன்கள் ஆனது 16 ஜிபி / 32 ஜிபி உள் சேமிப்புடன் வருகின்றன.

கேமராத்துறையை பொறுத்தவரை, இரண்டு ஸ்மார்ட்போன்களுமே 8 மெகாபிக்சல் அளவிலான முதன்மை லென்ஸ் மற்றும் 2 மெகாபிக்சல் டெப்த் சென்சார் என்கிற டூயல் கேமரா அமைப்பை கொண்டுள்ளது. முன்பக்கத்தை பொறுத்தவரை 5 மெகாபிக்சல் செல்பீ ஷூட்டர் உள்ளது.

இந்த இரண்டு ஸ்மார்ட்போன்களுமே 3000 எம்ஏஎச் பேட்டரி மூலம் சக்தியூட்டப்படுகின்றன. மேலும் இவை இரண்டுமே ஆண்ட்ராய்டு 10 இயக்க முறைமையில் இயங்குகின்றன. இணைப்பு விருப்பங்களை பொறுத்தவரை வைஃபை 802.11 பி / ஜி / என், எல்டிஇ, ப்ளூடூத் 5.0, ஜிபிஎஸ், ஏஜிபிஎஸ், யூ.எஸ்.பி டைப்-சி போர்ட் மற்றும் 3.5 மிமீ ஆடியோ ஜாக் ஆகியவற்றை ஆதரிக்கின்றன.

Google+ Linkedin Youtube